Идеален десерт за сите љубители на богатиот чоколаден вкус…
Потребни состојки:
250 гр мелени интегрални бисквити
100 гр маргарин
400 гр чоколадо за готвење
200 гр неутрално крем сирење
100 гр бело или црно чоколадо за преливање
400 мл слатка павлака
Подготовка:
Во сад растопете го маргаринот, па со него прелијте ги мелените бисквити и измешајте. Смесата измесете ја со раце додека да се соедини, па распоредете ја во кружен калап обложен со пластична фолија.
Чоколадото искршете го и ставете го да се растопи. Додадете слатка павлака и мешајте. Кога ќе се растопи чоколадото тргнете го од огнот, додадете го крем сирењето и мешајте додека смесата да се соедини.
Префрлете во сад и матете со миксер додека да стане пенаста, па истурете ја смесата врз кората од бисквити и оставете да се олади и стегне.
Белото или црно чоколадо скршете го и стопете го со малку масло и прелијте го преку тортата. Вратете ги ледените коцки во фрижидер добро да се оладат. По желба украсете со малку кокос или рендано бело чоколадо.
Уживајте!
