Сте ја посетиле ли некогаш Бислимската клисура? Малата клисура на реката Пчиња, со должина од само шест ипол километри, сместена во непосредна близина на Куманово, отсекогаш била завиена со мистерија. Токму таа мистичност денес се почесто ги привлекува луѓето од градот, да се нурнат во оваа неневеројатна природна убавина, и за миг да заборават на проблемите.
Името Бислим веројатно се врзува со средновековното село кое се наоѓало во средниот дел на клисурата, но „исчезнало“ во 16.век.
Во средишниот дел на клисурата и во пештерите има остатоци од антички градби, се претпоставува дека се од римскиот период. По сите свои карактеристики оваа област би требала да е заштитена. Сепак, радува фактот што напуштениот и долго заборавениот предел, денес ја доживува својата ренесанса.
– Една од омилените работи во пролет е пикникот. Уживам да ги соберам пријателите и да уживаме во природата, сонцето и вкусната храна. Уживајте во викендот, Македонија крие доста убавини, порачува шеф Бранко Попоски познат како „Cooking with Branko“, кој викендов ја посети Бислимската клисура и оттаму ни испрати прекрасни фотографии.
Па еве ви иснпирација каде би можеле да уживате во сонцето на денешниот ден или пак веќе следниот пролетен викенд.
