Кожата на рацете има тенденција да стане груба со што го огрубува и изгледот на целите раце. За рацете секогаш да ви бидат убави и нежни, применувајте го следниов третман со едноставен пилинг направен дома, употребувајќи го два пати неделно.
Постапка
Ставете една до две лажици шеќер во раката, а потоа иста количина на маслиново масло. Состојките истријте ги меѓу дланките, за да се соединат, а потоа со кружно движење истријте ги целите раце.
По неколку минути, измијте ги рацете со млака вода, исушете ги и нанесете лосион или крем за раце.
Зошто овие две состојки? Маслиновото масло ѝ дава на кожата неопходна хидратација, а шеќерот ги отстранува мртвите клетки на кожата и нечистотиите.
Повторете го третманот двапати неделно или по потреба.
