Мушмулата, позната и како дива круша, е овошје на есента, кое и покрај многуте добри својства за човечкиот организам, многу малку се користи во исхраната, пишува „eklinika“.
Зрелиот плод на ова овошје е многу хранлив, содржи сахароза, околу 20 отсто шеќер, витамин Ц, витамин Б2, Б1, пектин, минерали како калциум, железо, калиум, магнезиум, кои го зајакнуваат имунолошкиот систем. Се препорачува за луѓе кои имаат проблеми со бубрезите и црниот дроб.
Се користи плодот, семето и лисјата
Мушмулата се користи како овошје, но покрај плодот се користат и семките и листовите. Се верува дека семките од мушмули помагаат да се исфрли песокот од мочниот меур, чајот се користи за настинка и болки во грлото. Латинското име на мушмула е Mespilus germanica, а плодот потекнува од југозападна Азија и југоисточна Европа. Мушмулата била донесени во централните делови на Европа од Римјаните. Мушмулата има краток животен век од 30 до 50 години. Овошјето се бере во доцна есен, а се јаде кога ќе стане речиси скапано.
Хемоглобин
Мушмулата содржи многу железо, кое е клучно за добар хемоглобин. Железото е компонента на хемоглобинот што ѝ дава црвена боја на крвта и ги снабдува клетките на нашето тело со кислород. Се препорачува за внатрешно или надворешно крварење. Мушмулата е добра и за жените кои се повеќе склони кон анемија поради малку пообилната менструација.
За мускули, мозок, синдром на немирни нозе
Мушмулата содржи и многу железо, кое е неопходно за здравјето на мускулите. Железото е составен дел на мускулното ткиво, кое обезбедува кислород. Без доволно количество железо, кое го има во мушмулите, мускулите ја губат својата еластичност и тонус. Железото е поврзано со добрата функција на мозокот. Се смета дека железото помага во формирањето на нови нервни патишта и спречува когнитивни нарушувања како што се Алцхајмерова болест и деменција. Недостатокот на железо може да доведе до синдром на немирни нозе, а се тврди дека одредени количини на железо можат да бидат корисни во контролирањето на овој синдром.
Мушмулата во традиционалната медицина
Пулпата од мушмулата се користи во традиционалната медицина како лаксатив. Се смета дека листовите и семките на мушмулата имаат адстрингентно својство, па можат брзо да ја затегнат површината на слузницата или повредената кожа, да ја згрутчат крвта и да го запрат крварењето. Мушмулата има способност да ја регулира стомачната киселина. Во Иран мушмулата се користи за лекување на висок крвен притисок, позитивно делува на срцето и е еден вид тоник за срце.
Лек за камења во бубрезите и мочниот меур
Екстрактот од лист од мушмула се користи за лекување на инфекции на грлото и устата. Овошјето има релаксирачки и прочистувачки својства при дијареа. Се верува дека напитокот направен од семки од мушмула може да ги отстрани камењата од мочниот меур и бубрезите. Го регулира варењето и се користи како лек против запек и надуеност.
Мушмулата се користи во традиционалната медицина и како средство за регулирање на треска. Го запира внатрешното крварење, ја зајакнува кожата, нервите и лечи воспаленија на цревата. Чајот од листовите од мушмула се смета за добар за контрола на дијабетесот, бидејќи го регулира нивото на шеќер во крвта и го регулира нивото на холестерол.
*Луѓето кои се алергични на мушмули не треба да користат мушмули или производи од мушмули. Внимание се препорачува и при хранење на децата, кои треба постепено да користат овошје. Мушмулата има и лаксативно дејство, па затоа не се препорачува нејзина употреба во големи количини. Консумирање прекумерни количини мушмули може да доведе до болка во гастроинтестиналниот тракт.
