Не постои човек кој некогаш не си ги грицкал ноктите, но постојат луѓе кои тоа го прават многу често и истите не се свесни на каков ризик се изложуваат. Ако не сакате да им испратите порака на луѓето дека имате проблеми во животот, можеби треба да се откажете од оваа навика. Грицкањето нокти може да биде знак за емоционална нерамнотежа, се вели во една студија објавена во Американскиот весник за ортодонција и стоматолошка ортопедија.
Иако е многу честа појава, грицкањето нокти или онихофагија е еден вид знак дека сте исцрпени или вознемирени и може да предизвика други стресни однесувања поврзани со устата, како што се џвакање моливи, гризење на усните или пушење.
„Покрај тоа што е индикатор за тивок стрес, грицкањето нокти може да предизвика низа здравствени проблеми“, вели д-р Адам Фридман, вонреден професор по дерматологија на Универзитетот Џорџ Вашингтон.
Инфекции
Ако одгризете преголемо парче, чувствителната кожа под ноктот може да ја изложите на бактерии или да си пренесете други патогени во устата. Една од најчестите форми на инфекција е паронихија и може да предизвика оток, црвенило, болка и гнојни грутки.
Воспаление
„Хемискиот состав на вашата плунка овозможува разградување на мастите и другите молекули на храната и иако помага во варењето, може да ја оштети кожата и да предизвика воспаление на прстите. Исто така, лижењето на усните може да предизвика пукање бидејќи плунката ја нагризува кожата“, објаснува д-р Фридман.
Болести
Преносот на бактерии од прстите во устата е опасно. „Нашите раце доаѓаат во контакт со секакви остатоци и патогени, а понекогаш има нечистотија заглавена под нашите нокти“, објаснува д-р Фридман. Ова може да доведе до разни видови инфекции, од обична настинка до сериозен стомачен вирус.
Брадавици на лицето
Брадавици на рацете, нозете и другите делови од телото не се невообичаени. Иако е непријатно, неспоредливо е полошо да се појави на лицето или вратот, а со грицкање на ноктите, инфективниот материјал од брадавицата може многу лесно да се пренесе токму таму.
Проблеми со забите
Хроничното грицкање на ноктите може да го деформира или уништи коренот на забот, предизвикувајќи негово искривување. Може да се појават и фрактури на забите, како и заболување на непцата.
