Ако ве полудува кога ќе слушнете некој во ваша близина како гласно џвака, имате еден вид ментално растројство наречено мизофонија или омраза кон звуците.
Мизофонијата е нарушување што ги мачи луѓето кои страдаат од неа, им пречи гласно џвакање, дишење или, на пример, постојано кликнување со пенкало, а за прв пат била наречена „состојба“ во 2001 година.
Истражувачите од Универзитетот во Њукасл за време на истражувањето откриле дека кај луѓето кои страдаат од мизофонија, одредени делови од мозокот се активираат кога ќе го слушнат „звукот на активирањето“.
Истото истражување покажало дека луѓето кои патат од ова нарушување имаат абнормалности во механизмите на емоционалната контрола.
Кога ќе слушнат „звуци на активирање“, луѓето кои патат од мизофонија имаат симптоми како забрзано чукање на срцето и зголемено потење.
За време на студијата, научниците ги подложиле на низа звуци испитаниците, од кои некои биле неутрални, некои непријатни, а некои биле „активирачки звуци“, како што е шкрипењето, и го снимале дејството на нивниот мозок.
Оние кои страдале од мизофонија покажале поинакви резултати на магнетната резонанца од оние кои не страдале од оваа состојба.
