Нашите родители меѓу првите работи за кои нè учеа додека бевме мали, секако, е откако ќе се разбудиме веднаш да се намести постелината и креветот да биде уреден. Но, дали сте знаеле дека таа „војничка“ навика може да направи повеќе штета отколку корист?
„Грините сакаат топол кревет, па затоа најдобро е прекривачите да се остават на воздух 30 минути, и дури потоа уредно да го наместите креветот“, предупредуваат експертите за душеци.
Тие сакаат влажни места и температури помеѓу 20 и 25 степени целзиусови, а од американската фондација за астма и алергии велат дека им е убаво во топлиот и влажен дом каде можат да преживеат и цела година.
Освен што не треба да го наместите креветот веднаш откако ќе станете, експертите велат дека треба да одбегнувате хидратантни креми пред спиење. Иако за некои луѓе тоа е ритуал, но ако одите во кревет веднаш по нанаесувањето на кремата, постелината може да ја апсорбира влагата.
„Постојат работи што не смеете да ги правите, на пример не е препорачливо да јадете во кревет, или да си играте со милечињата и одбегнувајте да користите производи за нега на кожа и тело најмалку 30 минути пред спиење. Така, ќе се осигурите дека кремите ги апсорбира вашата кожа, а не постелината“, додаваат тие.
