Билката чувар куќа лесно се одгледува и не бара особена нега, особено поради тоа што поднесува најразлични временски услови.
Исто така е и многу популарна во алтернативната медицина, во својот природен облик, но и како сок, облоги, масти, тинктури и чај.
Чувар куќата спаѓа во фамилијата сукуленти, кои се познати по тоа што се „засекогаш живи“. Дебелите листови се полни со вода, која е позната како лек за воспаленија во увото. Освен тоа, изгледа и многу декоративно и можете да ја одгледувате и во саксија и во двор.
Според народната медицина, оваа билка треба да ја избегнуваат трудниците и доилките.
Нејзиното дејство е слично како на алое верата, која е познат смирувач на кожни иритации. Чувар куќата може да се користи како облога врз иритираното место или да се мачка од нејзиниот сок.
Сокот од чувар куќа содржи полисахариди и антибактериски соединенија. Се верува дека помага при нервни нарушувања, а потоа при цревни паразити, бронхитис, воспаленија во усната шуплина, на забите, увото и грлото. Се препорачува да го пијат луѓе кои страдаат од карцином. Доволна е доза во чашка за ракија еднаш дневно или да се изедат неколку листови.
Чувар куќа со мед е лек кој се препорачува при миоми, цисти и проблеми со штитната жлезда. Потребни се 750 гр листови кои ќе ги измелите и ќе ги измешате со 1 кг мед. Се зема една лажичка наутро и уште две во текот на денот.
