Македонскиот јутјубер Стефан Лазаров на својот профил на Фејсбук минатата недела објави апел за помош на својот пријател Зоран Василевски попознат како Зоки Фаци. Лазаров тогаш објави дека се потребни 15.000 евра за операција на Зоки за да се избори со ракот, кој му беше дијагностициран пред три години.
Лазаров синоќа објави на својот профил на Фејсбук дека Зоки ќе оди на лекување во Истанбул.
„Здраво луѓе, можам да ве известам и израдувам дека Зоки официјално ќе се лекува во Турција поради вашата помош!
Во моментов ја чека понудата од болницата и колку ќе чини целиот процес за да знаеме на што сме. Можам да ви потврдам дека сме при самиот крај, но најбитно од сè е дека веќе нема да се чека и за неколку дена тој оди во Истанбул. Да сте ми живи и здрави.“
