Српскиот водител Жика Јакшиќ помина неколку дена во болница поради здравствени проблеми.
Жика Јакшиќ беше во болница неколку дена поради лоша здравствена состојба, но сега сè се стабилизира.
– Жика беше отпуштен од болница пред два дена, но не сакаше да се огласува за медиумите бидејќи сега му е потребен мир. Се чувствува многу подобро и е подготвен да го води финалето на емисијата „Никогаш не е доцна“ в недела – изјавил извор близок до Јакшиќ за српски „Информер“.
Како што се наведува, Жика ќе мора да биде малку повнимателен, па затоа би било добро да не се активира веднаш, туку да одвои извесно време за одмор.
Инаку, Жика Јакшиќ беше хоспитализиран минатата недела откако доживеа сериозни здравствени проблеми.
– Нашиот драг колега и пријател Жика Јакшиќ во моментот се наоѓа на болничко лекување, откако ненадејно се разболе! За среќа, неговата здравствена состојба е стабилна и тој се чувствува добро. Лекарите се оптимистични и се очекува дека ќе биде пуштен дома по неколкудневен престој во болница. Жика Јакшиќ со децении е посветен на својата работа, која, иако полна со страст и креативност, честопати е многу напорна и стресна. Во овој момент, најважно е Жика да го добие мирот потребен за неговото закрепнување, затоа ве молиме почитувајте ја неговата приватност и дозволете му целосно да се посвети на своето здравје, за да може што поскоро да се врати во секојдневниот нормален живот – порачаа тогаш од „Гранд“.
