Софија Шашиќ, ќерка на Соња Вуксановиќ, зборуваше за сложените семејни односи кои со години ја интригираат јавноста, особено за врската меѓу нејзиниот биолошки татко и пејачот Аца Лукас, со кого нејзината мајка беше во емотивна врска.
Иако претходно имаа несогласувања, денес, како што тврди Софија, меѓу нив постои меѓусебно почитување.
– Мислам дека тоа е глупост. Не се во сјајни односи, а не се ни во лоши. Ако се сретнат на аеродром или на некоја промоција, сигурно би се поздравиле. Во периодот кога не разговарав со татко ми, Аца беше тој што го контактираше. Жељко го почитува оној со кого пораснав, исто како што Аца го почитува него – рече Софија.
Софија не криеше колку Лукас ѝ значел додека растела:
– Аца ме научи на сè. Со него почнав да излегувам, со него го запознав ноќниот живот. Кој и да поминеше низ куќата, Аца ќе ја дадеше својата анализа – тој ќе ми кажеше што е добар избор, а што не. Мама секогаш беше во право за сите, како и Аца, но знае да претерува и да не гледа нешто што е очигледно – призна таа за телевизијата „Адрија Монтенегро“.
Зборувајќи за турбулентната врска меѓу нејзината мајка и Лукас, Софија нагласува дека секогаш се труди да биде објективна, без оглед на семејните врски.
– Имаше секакви ситуации, но јас стојам зад фактот дека сум реалистична. Не сум мамина ќерка, многу сум фер и кога некој греши. Но, кога ќе претера и ќе направи грешка, тоа доаѓа до точка на пукање, тогаш сум полоша и од мајка ми – истакна Софија низ смеа.
