4,5 милиони Украинци вечерва се најдоа без струја поради руските напади врз енергетската инфраструктура. Ова го изјави украинскиот претседател Володимир Зеленски во својата ноќна видео порака.
„Самиот факт дека Русија прибегнува кон енергетски тероризам ја покажува слабоста на нашиот непријател“, рече Зеленски, „тие не можат да ја победат Украина на бојното поле, па на овој начин се обидуваат да го скршат нашиот народ“.
Утрото, на 4 ноември, и во Киев останаа без струја 450.000 станови, а тоа е за еден и пол пати повеќе од претходните денови.
Градоначалникот на Киев, Виталиј Кличко, преку Телеграм ги повика жителите на Киев да штедат струја што е можно повеќе.
„Стабилизирачки прекини се случуваат поради преоптоварување на централниот јазол на енергетскиот систем на земјата“, напиша тој.
Кличко рече дека „ситуацијата останува тешка“.
