Веста допрва треба да се потврди од Американската академија, но најверојатно претстедателот на Украина ќе го видиме на Ноќта на Оскарите.
Украинскиот претседател е во преговори со Американската академија за да се појави на значајниот настан во живо или на видео снимка, за време на значајниот настан- Оскарите кои ќе се случуваат во недела навечер.
Изворот е „Њујорк пост“, според кој украинскиот претседател Володимир Зеленски, наводно, е во разговори со Академијата за филмски уметности и науки за да се појави – најверојатно преку видео.
Организаторите се прашуваат дали познатата вечер на доделувањето на Оскар треба да остане „аполитичка“ церемонија или може да си дозволи нова сцена за справување со деликатно прашање како што е руската инвазија на Украина. На крајот на краиштата, смета Еј-би-си, нема ништо лошо во тоа да се појави еден претседател на Оскарите, кој претходно бил и актер.
Но, малку е парадоксално тоа што Зеленски го посакува, зашто токму неговата актерска професија – комичар, му донесе куп „понижувања“ на негова сметка токму сега кога е претседател и кога се соочува со страшна ситуација во земјата.
Некои пак тврдат дека само на изглед е парадокс. Неговото можно учество на Оскарите е целосно дел од стратегијата што ја постави украинскиот претседател од почетокот на конфликтот. Ако воените сили на терен се објективно различни меѓу двајцата претенденти, од гледна точка на комуникација и управување со медиумите, Зеленски беше беспрекорен, толку многу што успеа да ја донесе украинската кауза во парламентите на главните европски престолнини и на плоштадите на многу западни градови демонстрирајќи во корист на својот народ. И сега тој глас може да најде добредојде во еден од највлијателните и највидливите настани во светот. Уште еднаш медиумски потег, начин да се одговори на руските гранати со комуникациски гранати, способни да придвижат меѓународно финансирање, вооружување, заштита и солидарност.
Ќе видиме дали Зеленски навистина ќе ја искористи оваа прилика да зборува за својот народ во контекст различен од претходните, на место – далеку од реалноста на војната која зема жртви секој ден – ноќта на Оскарите, карактеристична по црвениот тепих, гламурот, фотографите, тоалетите што го одземаат здивот и солзите радосници за посакуваната златна статуетка. Тука Зеленски би можел да го искаже својот нов апел за што поскоро завршување на војната во Украина.
