Српскиот фолк пејач Александар Вуксановиќ попознат како Аца Лукас е приведен на пат кон Копаоник откако полицијата утврдила дека нема возачка дозвола.
Како што дознава српски „Блиц“, фолкерот паднал на тестот за наркотици. Против него ќе биде поднесена прекршочна пријава за возење под дејство на наркотици.
– Лукас падна на тестот за наркотици. Тој беше приведен во текот на ноќта, а утрово пуштен од притвор. Против пејачот ќе биде поднесена кривична пријава за возење под дејство на наркотици – рекол извор за „Блиц“.
Потоа, пејачот се огласи и ја призна вината.
– Виновен сум и преземам одговорност за своите постапки. Државните органи си ја вршеа својата работа согласно законот и јас немам никакви забелешки за нивната работа – изјавил Лукас за „Хајп“.
Лукас бил запрен од сообраќајната полиција и приведен поради немање возачка дозвола, поради претходни прекршоци, а тој управувал со возилото. Тој бил пресретнат од сообраќајни службеници на влезот во Брус и по тестот кој покажал дека е позитивен на недозволени супстанции и дека возел без возачка дозвола, бил приведен во полициска станица.
Пејачот се товари по две точки: возење без возачка дозвола и под дејство на недозволени супстанции. За ваквите прекршоци, кои се водат како тешки сообраќајни прекршоци, се казнува со парична казна до 120.000 динари или 60 дена затвор.
