Српската пејачка Теа Таировиќ гостувајќи во подкаст истакна дека засекогаш го сменила текстот на сега веќе големиот хит, кој го носи името „Израел и Палестина“.
Досега, инаку, песната започнуваше со зборовите: „Mi od plina i benzina, Izrael i Palestina, jedne noći voliš me, druge noći mrziš me…”
Поради страшните случувања во Израел и Појасот Газа, меѓутоа, таа одлучила засекогаш да престане така да ја пее.
– Во случај тоа некого да повредува, јас го сменив текстот на песната – изјавила таа во „Петкаст“.
Ова, според понатамошните написи на српски „Телеграф“, нема да биде само привремено, туку трајно решение.
Да потсетиме, Теа неодамна на еден настап наместо „Израел и Палестина“ пеела „Шпанија и Аргентина“. И на социјалните мрежи, тоа тогаш предизвика вистински хаос.
Mi od plina i benzina Španija i Argentina 🤣🔥 pic.twitter.com/1yWQAt8sl9
— TAJNI ZNAK (@Tajniznak26) November 4, 2023
