Српскиот инфлуенсер и тиктокер Лука Обрадовиќ, кој на социјалните мрежи е попознат како Лука Силни, е приведен на грчкиот остров Закинтос, пишува српски „Курир“.
Инфлуенсерот, како што откри, завршил во притвор бидејќи испеал песна која во текстот вели дека „Косово е срцето на Србија“.
Овој инцидент се случил во вечерните часови, на едно место се собрале толпа луѓе, сите ја пееле песната „Весели се српски роде“, а Лука бил издвоен од толпата.
Лука Силни поминал неколку часа во притвор, а по ослободувањето се огласил преку социјалните мрежи.
– Здраво луѓе, Закинтос ден број 9. Еве ме со братот таксист, се враќаме од полициска станица, ме уапсија, односно ме приведоа затоа што пеев „Косово е срцето на Србија“. Ќе пеам 15.000 пати ако треба и 15.000 пати ќе ме апсите. Го направив најголемиот концерт, имаше 50 луѓе и сите пееја „Косово е срцето на Србија“, повторно ќе го направиме и пак ќе одам во станицата – проачал Лука преку Тикток.
Лука потоа на споменатата мрежа споделил видео од ситуацијата поради која завршил во притвор, а коментарите само се нижеле.
