Во разорните земјотреси што ги погодија Турција и Сирија, загинаа најмалку 16.000 луѓе, а над десет илјади се повредени.
Многу луѓе се под урнатините на бројните урнати станбени згради. Спасувачите се на терен, но нивната потрага е отежната поради екстремните временски услови.
Апокалиптични се сцените од градовите погодени од катастрофалните земјотреси. Меѓутоа, кога спасувачите ќе извлечат некого од под урнатините, сите присутни се воодушевени.
Така се радуваше населението во сирискиот Идлиб кога храбрите спасувачи извлекоа цело семејство од урнатините.
ABC News објави видео од толпата како аплаудира откако маж и жена и нивните три деца – две ќерки и еден син – беа извлечени од урнатините. Живи.
