Марко Менгони победи на 73-тото издание на фестивалот Сан Ремо, со песната „Два живота“ („Due vite“).
34-годишниот пејач од Витербо, град во централна Италија, беше победник на Сан Ремо и во 2013 година со песната „Л’есенциале“.
Првите зборови на Марко Менгони по победата на Санремо 2023 беа посвета на жените кои учествуваа на Фестивалот.
„Пет момци стигнаа до финалето – рече тој, видно трогнат – и затоа мислам дека е правилно да им ја посветам победата на жените-уметници кои донесоа прекрасни дела на оваа сцена“.
View this post on Instagram
Менгони од мал е страствен за музиката, но дури во адолесценцијата решил посериозно да ѝ се посвети. Првото големо признание го доби во изданието на X-Factor во 2009 година.
Во 2010 година, благодарение на неговиот растечки успех, тој го имаше своето деби на Сан Ремо со песната „Believe me again“, завршувајќи трет во финалето.
И покрај тоа што има 1,7 милиони следбеници на Инстаграм, и е еден од најпопуларните италијански пејачи, никогаш јавно не излегле информации поврзани со неговиот љубовен живот.
Тој претходно изјави дека е свесен дека неговата професија бара да биде во очите на јавноста и затоа не сака да ги инволвира блиските, неговото семејство и пријателите, во јавни изјави поврзани со неговиот приватен живот за да не ги стави случајно во компромитирачка ситуација.
Се шират гласини дека е во романтична врска со девојка која е надвор од забавната индустрија, иако тоа се уште не е потврдено.
