Мики Секуловски имаше уште еден настап за паметење во последната епизода на шоуто „Ѕвездите на Гранд“. Македонскиот претставник го воодушеви жирито и очекувано освои шест гласа.
Секуловски за прв пат се претстави пред публиката и жирито со она што е неговата најсилна страна – оперското пеење. Ана Бекута воодушевено го коментираше настапот на пејачот, истакнувајќи дека особено ѝ се допаднала неговата изведба на песната „Рујна зора“.
– Овде навистина може да се види јасна разлика. Немам што посебно да објаснам овде, освен што вечерва се истакна Мики Секуловски. „Рујна зора“, првпат слушам ваква интерпретација и пристап кон песната, три стила, рок, поп и слично – рекла таа.
Презадоволен од настапот на Мики беше и Саша Поповиќ, кој по излагањето на Бекута му постави прашање.
– Мики, кога станува збор за оперскиот жанр, дали тоа заврши или ? – прашал Поповиќ.
– Завршив академија за оперско пеење – одговорил Мики, по што имаше громогласен аплауз.
Неговата менторка беше најзадоволна. Цеца гордо додаде: „Ќе ви подготвиме уште изненадувања. Нема да ги отвориме сите асови што ги имаме вечерва“.
Ѓорѓе Давид најголемите пофалби ги имаше за Мики, а и Босанац истакна дека е големо освежување во шоуто. И Вики истакна дека тој е без конкуренција.
„Многу е веќе кажано. Само ќе кажам дека Мики е надвор од конкуренција, феноменален, фантастичен, браво“, потенцирала Миљковиќ.
