Првиот концерт на Лепа Брена во Загреб, од вкупно пет, се одржа синоќа.
Брена приреди вистински спектакл за паметење, па настапот беше вистинска ретроспектива на нејзиното музичко патување.
Малку е да се каже дека дивата од поранешна Југославија повторно ја воодушеви публиката евоцирајќи незаборавни моменти од нејзината кариера, вклучувајќи го и легендарниот концерт од 1990 година во Софија.
View this post on Instagram
Имено, Брена уште еднаш „слета“ со хеликоптер на концертот во Загреб, како пред 34 години на стадионот „Васил Левски“ во Бугарија, кога создаде незаборавен момент со стотици илјади обожаватели.
И овој пат ја остави публиката без здив.
Иако повеќе од три децении подоцна, Лепа Брена покажа дека за неа годините се навистина само бројка.
Имено, Брена во далечната 1990 година на концерт во Бугарија облекла црна јакна и мини здолниште со златни реси, а на корсетот пишувало „Брена“.
Таа сега го рекреираше легендарниот изглед, но со неколку суптилни промени. Наместо корсет со натпис „Брена“, таа сега носеше помодерна верзија на палто и мини здолниште со златни реси, но во малку посуптилно издание, кое го задржа иконскиот стил.
