Кораима Торес, позната по улогата на Касандра, дојде во Белград за да стане дел од популарната серија „Игра на судбината“.
Кораима завчера допатува во Белград, а се чини дека ужива во главниот град. Таа вчера проба ќебапи, а подоцна ја посети и улицата Кнез Михаилова, како и Калемегдан.
Но, таа не застана тука. Судејќи по нејзините објави на Инстаграм, славната Касандра посетила и кафана.
Имено, актерката уживала во отчукувањата на тамбурата која ја свирела песната „Уз Мораву ветар дува“, и со воодушевување им ја пренесувала атмосферата на своите следбеници.
За потсетување, снимањето на серијата во која учествува Касандра започнува на 24 септември, а серијата ќе се прикажува на ТВ Прва.
