Српската поп дива Јелена Карлеуша стави крај на пријателството со колешката Милица Павловиќ.
Дека нешто не е во ред на јавноста ѝ стана јасно кога Карлеуша ја отследи Милица од Инстаграм, што предизвика вистински хаос на социјалните мрежи.
Оттогаш, двете пејачки го прекинаа секој контакт, а Карлеуша сега направи потег со кој луѓето мислат дека на повидок е помирување.
Таа на својот фејсбук-профил ја сподели песната „Mashallah“ што ја сними со Милица Павловиќ, а со објавата напиша: „Кога ќе се погледнам…“ со емотикони со срца во очи.
Дали ова е првиот чекор кон помирување на пејачките, останува да видиме.
Да потсетиме, Јелена Карлеуша и Милица Павловиќ беа многу блиски, но ЈК ја погоди еден од потезите на Павловиќ преку кој не можеше да премине. Јелена до тогаш ѝ беше голема поддршка на Милица, како приватно, така и професионално.
Позната како некоја која нема влакна на јазикот, Јелена јавно ја објави причината за раскинувањето на пријателството.
