Јелена Розга проговори за љубовта и здравјето кои ги држи под контрола, а едвај чека да ги „наполни батериите“ во родниот Сплит.
Минатата сабота регионалната поп ѕвезда Јелена Розга (46) одржа концерт во хотел во Јахорина, Босна и Херцеговина, каде два часа ја забавуваше публиката со своите бројни хитови. Пејачката пред да излезе на сцената за локалната телевизија „Хајат“ открила дека е во најсреќната фаза од животот.
– Љубовта е сѐ за мене, не функционирам без љубов. На мене може да се види кога сум тажна и кога нешто не функционира, тоа се гледа во моите очи. Колку и да се труди човек да го скрие тоа, со насмевка на неговото лице, не оди, очите кажуваат сѐ. Сега сум во најубавата и најсреќната фаза од мојот живот – признала Розга.
Пејачката со години има проблеми со тироидната жлезда и срцето, но вели дека моментално нема никакви проблеми.
– Фала му на Бога, тироидната жлезда е добро, моите наоди се добри. Секој месец морам да вадам крв и сега ми оди многу добро – изјавила Јелена.
