Регионалната ѕвезда Лепа Брена во моментот е на домашно лекување откако на 11 декември излезе од болница откако на третиот концерт во Арена Загреб ја скрши ногата.
Нејзиниот син Виктор Живојиновиќ на својот инстаграм-профил објави видео од куќата на Бежанијска коса во која Брена во моментот се наоѓа и ја снимил мајка си како вежба.
Имено, Брена правела вежби за нозе, а Виктор заедно со снимката ја прикачил и песната „Show must go on“ што значи „Шоуто мора да продолжи“.
Брена била облечена во розов џемпер и тренирка, напорно вежбала на подот, а Виктор ја поддржувал цело време.
Соседите од Бежанијска коса рекле дека радоста од домот на семејството Живојиновиќ не престанала да се шири дури и кога не оди сè според планот.
– Тие се едно среќно семејство кое славата не го понесе. Ние ги доживуваме како соседи, иако и двајцата се глобално популарни. Боба секогаш ќе ве праша: „Како сте? Што правите, како сте деца?“ Брена можете да ја видите без шминка и целосно опуштена како се шета низ соседството, во патики и со капа на главата. Иако има возач, сум ја видел како вози автомобил, без проблем оди во перална. Сега се разбира дека не ја гледаме бидејќи се случи тоа што се случи, но го гледаме Боба цело време, синовите доаѓаат. Нејзината пријателка Ката е постојано со неа, ѝ угодуваат околу храната и околу сè, ѝ прават друштво, играат карти – рекла со насмевка оваа сосетка и додала:
– Тука доаѓаат физијатри или терапевти неколкупати на ден. Еднаш и нејзе ја видовме во автомобил дека отиде некаде, веројатно на контрола и ново снимање. Таа жена е лавица и змеј, ова нема да ја забави да го постигне она што го зацртала.
