Српскиот јутјубер Богдан Илиќ, познат по прекарот Бака Прасе, за време на директен пренос неодамна го негираше геноцидот и повика на убиства, што ја вознемири јавноста во Босна и Херцеговина, а беше покрената петиција да му се забрани влез.
Negiranje genocida u Srebrenici je neprihvatljivo! Bilo ko, a posebno javne ličnosti koje šire mržnju i prijetnje moraju biti kažnjene. Rezolucija o Srebrenici je ključna za pravdu i istinu. Žalosno je što su nam takvi idoli mladim. #Srebrenica #genocid #bakaprase #caosvima pic.twitter.com/DbanvaCBkO
— Kaktusov Cvijet (@kaktusovcvijet) July 10, 2024
„Ја повикуваме ОСА БИХ да го забрани влезот на Бака Прасет (Богдан Илиќ) на територијата на Босна и Херцеговина. На својот канал на Јутјуб, Бака Прасе јавно го негира геноцидот врз Бошњаците извршен за време на агресијата врз Босна и Херцеговина. Бака Прасе на својот јутјуб канал се заканува со зборовите „нема веќе да нѐ зае*аваат, сите ќе ги убиеме“ и „кога веќе нѐ прогласија за геноциден народ, ајде да го искешираме“, стои во реакцијата на граѓаните.
Тие во оваа прилика решија да покренат петиција на социјалните мрежи за забрана за влез во Босна и Херцеговина.
По примерот од соседната земја, каде во неколку наврати на јавни личности од БиХ, како Феѓа Штукан, им беше забранет влез, граѓаните на БиХ сметаат дека постои оправдана причина за забрана за влез на Илиќ.
