Тања Савиќ вчеравечер во еден белградски ресторан го прослави својот 40-ти роденден , а атмосферата беше навистина посебна.
Пејачката за оваа пригода избра елегантен бел фустан кој одлично го истакна нејзиниот стил, додека брановидната коса и црвениот кармин го комплетираа нејзиниот гламурозен изглед. Нејзината шминка беше смела, со нагласени очи, комплетирајќи го совршениот стајлинг за прославата.
На списокот на гости се најдоа многу познати имиња од светот на естрадата, но меѓу нив не била нејзината колешка Драгана Мирковиќ, која поради обврски не можела да присуствува. Сепак, Драгана сакала на посебен начин да ѝ го честита роденденот на Тања, па решила да ѝ испрати убав подарок.
За роденденот на Тања, Драгана подготвила голем цветен аранжман од бели рози, украсени со розови плишани мечиња, што секако ја израдувало роденденската девојка. Покрај подарокот, Драгана испрати и емотивна порака со која уште еднаш покажа колку се грижи за својата колешка и пријателка.
