Хрватската пејачка Лана Јурчевиќ доживеала несреќа која ја предизвикала нејзината деветмесечна ќерка Мајла Лили. Лана на своите следбеници на Инстаграм им опиша што точно се случило.
– Ме удри со дланката во окото во полумрак и повлече со нејзините нокти. Ништо, видов дека ѓаволот ја однел шегата и дека ова нема да биде толку безопасно. Како што можете да видите тука, имам оштетување на рожницата, а сите ми велеа дека не е ништо – опишала Лана во видеото и потоа додала дека окото ѝ е многу подобро по два дена.
View this post on Instagram
„Кој се тепа, тој се сака – важи САМО во оваа верзија и во овој случај! Па, нека некој ми каже дека мојата малечка не е борец! Таа докажа дека е борец уште пред да дојде на овој свет! Дали некој од вас има некои повреди?“, прашала Лана во описот на објавата и додала: „Ако ова ви се случи, а е многу вообичаено од она што го слушам, не се шегувајте со тоа, ноктите на рацете и нозете на децата се многу „токсични“ особено во фазата кога почнуваат да ползат и сè живо да истражуваат“.
Нејзината објава предизвика бројни реакции кај нејзините следбеници, кои во коментарите ги напишаа своите пораки за поддршка и охрабрување.
„Издржи драга, имав таков случај“, „Нашите најслатки борци“, „Мојата цимерка двапати доби далечински управувач во окото“, „Моето малечко со сета сила ме удираше во сон“, беа дел од коментарите.
