Поранешниот дечко на популарната пејачка Едита Арадиновиќ, М.Ѓ. е уапсен на почетокот на неделата во Дубаи, во рамки на голема меѓународна акција насочена против организираниот криминал. Иако Едита никогаш јавно не зборуваше за неговиот идентитет, се шпекулираше дека биле во долготрајна врска, која неколку пати била раскинувана и обновувана.
Едита добила подарок од поранешниот дечко по раскинувањето
Нивната љубовна приказна долго време ја привлекуваше вниманието на јавноста, особено во моментот кога, по еден од раскините, пејачката на социјалните мрежи сподели заеднички фотографии, но неговото лице го покри со стикер во облик на срце. Иако тогаш накратко се смирија, потоа следуваше конечен крај.
Набргу потоа, М.Ѓ. се обиде повторно да се зближи со Едита, испраќајќи ѝ цвеќе на еден од нејзините настапи. Пејачката јавно го одби подарокот, изјавувајќи:
„Јао, луѓе, добив цвеќе од бившиот дечко со кој бев пет години. Ако некој може да сними, би било прекрасно. Сакам да му порачам – боли ме к*** и никогаш нема повторно да бидеме заедно“.
Потоа, букeтот го фрли во публиката пред сите присутни.
Новинарите ја контактираа Едита по повод апсењето на нејзиниот поранешен партнер, но таа одби да даде каков било коментар.
