Уапсен е Миле Кекин, поранешниот фронтмен на „Хладно пиво“.
Како што дознава хрватскиот „РТЛ“, станува збор за акција на УСКОК и полицијата во која се уапсени не само музичарот, туку и неколку други лица. Постои сомнение за измама со недвижен имот, поточно се работи за општина Бује и куќата на Миле Кекин.
„Јутарњи“, објави дека полицијата по наредба на УСКОК започнала нова акција во Истра. Во центарот на интересот на истражителите е Јелена Пероса, до неодамна раководител на Управното одделение за просторно планирање и управување со градски имот во Буја.
Полицијата, по наредба на УСКОК, утрово тропнала на нејзината врата, а упаднала и во бизнисот на нејзиниот сопруг Дамир во центарот на Бује. Покрај брачната двојка Пероса, на мета на инспекторите наводно се и градоначалникот на Бује, Фабрицио Вижинтин и уште неколку лица поради сомневања за серија злоупотреби.
