На северот на Косово ситуацијата е на работ на конфликт. Синоќа и денеска следуваа апсења кои предизвикаа дополнителен револт и беа поставени барикади. Во последните неколку часа се слушаат спорадични пукотници, пренесуваат српските медиуми.
Граѓаните на Лепосавиќ и Звечан поставиле барикади откако косовската полиција во Јариње го уапси поранешниот полицаец Дејан Пантиќ. Беа поставени барикади за да се спречи неговото префрлање во Приштина. Освен во Лепосавиќ и Звечан, граѓани се собрале и во Северна Митровица, Лепосавиќ, Сочаница, Лешко и Србовац.
„Во селото Рударе кај Звечан, каде дење се поставуваа барикади и се собираа граѓани поради приведувањето на Пантиќ, беа поставени шатори за да се заштитат од непрестајниот дожд. Народот е решен да преноќи на барикадите“, се вели во пораката.
Српското население со камиони и купишта ѓубре ги блокира патиштата во северно Косово, а барикади се поставени и во општините Лепосавиќ, Звечан и Зубин Поток.
Претходно претседателот Александар Вучиќ изјави дека Србија ќе испрати барање до НАТО алијансата да испрати контингент безбедносни сили на Косово.
Косовскиот премиер Аљбин Курти пред околу еден час изјави дека и КФОР бил повикан да ги отстрани барикадите. Според српски извори, сега на барикадите нема многу мештани.
Kosovo PM @albinkurti is creating unilateral chaos in the North and clearly trying to distract the people of Kosovo from his disastrous economic policies.
The Quint Ambassadors’ statement on the postponement of elections is reactive, slow and weak.
— Richard Grenell (@RichardGrenell) December 10, 2022
