Српската пејачка Рада Манојловиќ никогаш не криела дека е приврзана за нејзиниот татко Раде, кој во текот на животот ѝ бил голем поддржувач.
Сега Раде за медиумите раскажа за односот со ќерка си и се присети колку му било тешко кога пејачката си заминала од дома, поради факултетот и кариерата.
– Имав многу тешки моменти кога таа излезе од дома за да оди на факултет во Крагуевац. За Белград знаев дека е поголема работа од селото да отидеш таму и да останеш нормален, презадоволен сум од неа. Не бев само поддршка, не спиев покрај неа. Кога почна да пее на свадби и прослави овде и дојде Вера Нешиќ, сè снимив и ѝ пренесов на Радмила како што треба и тоа влијаеше на сè, но таа е квалитет и што пее пет илјади песни – рекол Раде и додал дека само за една работа ѝ замерува.
– Во текот на кариерата негодував што не се грижеше за парите, не во смисла на трошење, туку колку заработила и кој што земал. Јас ѝ велев: „Оди изброј ги парите“, не без причина, туку затоа што гледам дека некој зема, а таа велеше: „Тато знаеш дека не бројам“, ѝ реков: „Оди види колку по сто евра има“. Ѝ замерувам за тоа, не поради момчињата или кариерата – рекол тој.
И, додека Рада посакува голем солистички концерт, нејзиниот татко Раде размислува поинаку.
– Да бидам искрен, не би се радувал на голем концерт. Привилегија е кога некој има малку поголема поддршка од страна, а таа може само да фрла пари, не е евтино и не ѝ треба. Се додека има работа и цена, не и треба. Не сум против, но не сум за тоа и таму би бил набљудувач како и сите други – рекол тој, а потоа се осврнал и на тоа дека кариерата на пејачката ја води нејзината сестра Марија.
