Водителката Сузана Манчиќ сѐ уште е позната како едно од најубавите ТВ лица, а многу познати мажи ширум Југославија воздивнуваа по нејзината убавина.
Пред 11 години водителката ја објави автобиографијата „Нескротливо срце“ во која откри непознати детали од нејзиниот живот. Водителката меѓу другото откри дека популарен пејач, кој во тоа време веќе бил во брак, ѝ се додворувал долго време.
„Бидејќи јас и амбасадорот ја криевме нашата врска од јавноста, сите мислеа дека всушност сум слободна. Дека сум сама. Додворувачите се шегуваа. Колегите ми се додворуваа на турнеите, но јас не сакав да имам афери со колегите. А не се ни однесував „слободно“, но имаше еден, особено популарен пејач, кој исто така беше особено упорен. Ме облетуваше, облетуваше, не попушташе. Ништо не му пречеше, ниту тоа што тој беше долго време во брак, ниту тоа што воопшто не го прифаќам неговото додворување“, напишала Сузана, а потоа објаснила како за малку ќе доживеала несреќа бидејќи тој ја шпионирал.
„Една вечер, на турнеја, случајно бевме во Чапљина. Со Билјана Ристиќ, како и обично, делев соба. А собата беше на четвртиот кат со француски балокни. По концертот, тој почна да навалува со овие зборови: „Дај ми малку, те молам!“, „Па, навистина нема да ти дадам!“, „Само малку, те молам…“, повторува пејачот и не попушта. Секако, ние двете отидовме во собата. После десетина минути, слушаме гребење на францускиот балкон. Пејачот виси од четвртиот кат, во гаќи, како Тарзан и вика: „Пуштете ме внатре или ќе умрам!“. Ние двете сепак бевме посилни. Го повлековме во собата и веднаш го исфрливме од вратата. Дали поради моето одбивање или неговиот карактер, а поверојатно е второто, кога многу години подоцна кога се фотографирав за „Плејбој“, токму тој се најде да морализира и да ме прозива. Најгрубо и најгласно од сите“, објави Сузана која до ден денес не откри за кој колега зборува.
