Корисниците на социјалните мрежи веќе одлучија, но сепак, што ќе каже поротата и судиите?
Денеска се чека пресудата за судскиот процес за клевета меѓу Џони Деп и Амбер Херд, кој, исто така, по сите „нишани“ е и медиумски настан.
Одлуката на судијката Пени Азкарате, која претседава со рочиштата во судот во округот Ферфакс, со тоа што дозволи пренос во живо на настанот од двете камери присутни во судницата, го засили медиумскиот ефект, но со тоа се создаде и паралелен суд – суд на социјални корисници“.
Според податоците на американскиот весник „УСА Тудеј“, последното сведочење на Деп го следеле над 1,2 милиони гледачи: повеќе од двојно повеќе од првото кое се случи минатиот април. И претседателот на Law & Crime, мрежа која емитува сè во живо, рече дека каналот регистрира рекордни бројки: просечната дневна публика на каналот е 50 пати поголема од вообичаената што, преведено во бројки, значи дека на нивниот канал на YouTube секој ден се поврзуваат околу еден милион гледачи.
Благодарение на леснотијата да се добијат слики во живо од постапката, некои видео-парчиња станаа вирални на социјалните мрежи, а и овде преовладувачката нарација ја прикажува Амбер Херд како манипулаторка: односно корисниците на социјалните мрежи се во мнозинство со Џони Деп.
На пример, прашањето кое на Деп му го постави адвокатот на Амбер „дали си се налеал со огромнo шише вино“ (пред да ја „искрши“ куната), како што е прикажано според Амбер на судот за да ја докаже злоупотребата на алкохол на нејзиниот сопруг, и неговиот одговор во кој тој вели „испив чаша затоа што ми беше потребно“ стана „мем“ пар екселанс во месец мај, забележувајќи 6 милиони прегледи само на првиот ден од објавувањето.
Сликата од прегратката меѓу адвокатката на Деп, Камила Васкез, и нејзиниот клиент е прегледана над 500 милиони пати.
Расплаканото лице на Амбер Херд беше најкористената слика во месецот за создавање мемиња, а нејзините експерти за социјални медиуми открија над милион негативни твитови за неа од април 2020 година до јануари 2021 година.
Наскоро ќе биде познат исходот од судскиот процес, кој ќе разјасни дали Деп ќе ги добие 50-те милиони побарани од поранешната сопруга за клевета или таа ќе собере 100, според нејзиното контра- барање.
Поротниците можат да се согласат со едниот, со другиот, со двајцата или со ниту еден од нив. Во меѓувреме, судејќи според бројот на прегледи на хаштазите #justiceforjohnnydepp: над 18 милијарди и #justiceforamberheard: 39 милиони (за време на претседателската кампања, # Trump2020 имаше регистрирано 13 милијарди), судот за социјални корисници веќе ја донесе пресудата.
