Швеѓанката Рут Ларсон (103) постави светски рекорд во неделата попладне кога скокна со падобран во тандем во близина на Мотала, на околу 200 километри југозападно од Стокхолм.
Рут Ларсон полека се спушташе на земјата под светло синото небо, каде ја чекаа нејзините помошници, а снимаше шведската телевизија SVT.
„Горе беше прекрасно“, рече Ларсон додека се спушташе.
Претставник на Гинисовата книга на рекорди бил сведок на настанот.
Ларсон, која потекнува од градот Мјолбија, за новинската агенција ТТ изјави дека ѝ се допаѓа чувството да се спушта од небото и покрај нејзиниот слаб вид. Таа рече дека не била нервозна пред настанот, бидејќи во 2019 година веќе скокнала во тандем
„Секогаш се спуштам“, рече таа.
Рут Ларсон го собори рекордот на Американката Кетрин Хоџис, која скокна од мал авион во близина на Сиетл во август 2019 година на 103 години и 129 дена.
