Генералниот секретар на НАТО Јенс Столтенберг денеска телефонски зборувал со претседателот на Република Србија, Александар Вучиќ и побарал сите страни во спорот за Косово и Метохија да се воздржат од чекори кои би предизвикале ескалација, односно да се воздржат од еднострани потези кои ќе го загрозат мирот и стабилност, пренесува данас.
Претседателот Вучиќ му посочил на генералниот секретар на НАТО дека Приштина брутално го прекршува Бриселскиот договор со своите еднострани потези, разрешувањето на српскиот полициски командант за северниот регион Ненад Ѓуриќ и нелегитимни дејствија во однос на регистарските таблички.
Spoke to @avucic and @albinkurti about the tense situation in northern Kosovo. I urged both to refrain from any unilateral action that can trigger escalation. Dialogue is the only way forward. @NATO_KFOR remains vigilant.
— Jens Stoltenberg (@jensstoltenberg) November 7, 2022
Вучиќ додал дека, и покрај тоа, Србија се стреми да го одржи мирот и стабилноста и ќе остане посветена на тоа, се вели во соопштението од кабинетот на претседателот.
Двајцата соговорници разговарале и за важноста како на улогата на КФОР, така и на директниот контакт на началникот на Генералштабот на вооружените сили на Србија со командантот на силите на НАТО на Косово и Метохија.
