Германската манекенка Хајди Клум живееше во страв дека има коронавирус, но конечно откри дека тестот за COVID19 е негативен. Таа се тестираше пред 10 дена, дигна паника на друштвените мрежи и се стави во самоизолација 2 недели. Конечно на крајот во својот карантин ја доби потврдата дека е здрава.
„Многу сум подобро, благодарам на сите. Имав само посилна настинка која се уште се обидувам да ја преболам. Ви праќам на сите многу љубов“, напиша Хајди на Инстаграм.
Таа за време на својата изолација беше во својата вила во Бел Ер каде е поради снимањето на третата сезона од шоуто „America’s Got Talent: The Champions“. Всушност, Клум е во жирито на шоуто веќе со години и е омилена помеѓу судиите. Негативен на вирусот е и нејзиниот сопруг, 30-годишниот музичар Том Каулиц. Парот неодамна ја прослави првата годишнина од бракот, а сега можат да бидат и посреќни бидејќи се здрави.
