Хроничниот риносинузитис претставува воспаление на синусите што трае повеќе од 12 недели и не реагира доволно на медикаментозна терапија. Често е предизвикан од: инфекции (бактериски или габични), назални полипи, алергии, анатомски неправилности (девијација на носната преграда, тесни синусни канали), пореметена мукоцилијарна дренажа.
Хируршки метод: Функционална ендоскопска синус хирургија (FESS)
Ова е најчесто користената техника за третман на хроничен риносинузитис. Минимално инвазивна – еднодневна хирургија /one day surgery. Се изведува со помош на ендоскопи (тенки инструменти со камера) кои се внесуваат низ ноздрите.
Без потреба од надворешни резови, се отстрануваат: задебелени или инфицирани слузници, назални полипи, блокади во природните отвори на синусите.
Во некои случаи се комбинира со:
• Септопластика (исправување на носната преграда)
• Турбинопластика (намалување на носните школки).
Предности од хируршкиот третман
1. Ослободување на дренажата на синусите
– Овозможува нормален одвод на секрет и подобра вентилација на синусите.
2. Намалување на фреквенцијата на инфекции
– Пациентите имаат помал број егзацербации и помала потреба за антибиотици.
3. Подобрување на носното дишење
– Се намалува чувството на „затнат нос“.
4. Подобрување на мирисот и вкусот
– Многу пациенти доживуваат враќање на овие сетила.
5. Подобра ефикасност на лекови
– Локалните спрејови или капки подобро навлегуваат и делуваат пооперативно.
6. Подобрување на квалитетот на живот
– Се намалува заморот, главоболките и се подобрува спиењето и концентрацијата.
Можни компликации:
Иако е минимално инвазивна, операцијата не е без ризик. Можните компликации вклучуваат:
Интраоперативни и рани постоперативни ризици:
• Крвавење: често лесно, но во ретки случаи може да побара дополнителна интервенција.
• Инфекција: иако е хируршкиот третман за хронична инфекција, нова инфекција може да се појави пооперативно.
Повреди на околните структури:
• Орбитална повреда: синусите се во близина на очите. Повреда може да доведе до оток на очниот капак, модрици или привремено нарушување на видот.
• Цереброспинален ликвор (CSF) истекување: многу ретко, ако се оштети покривот на етмоидалниот синус (дел од основата на черепот).
Долгорочни компликации:
• Рецидив на симптомите: особено кај пациенти со алергии или астма.
• Создавање лузни или адхезии: што може повторно да ги блокира синусите.
• Промена во мирисот: ретко, но можно е трајно губење на мирис.
Постоперативен тек и нега
Првите неколку денови:
• Можно е благо до умерено крвавење.
• Назален секрет со крв.
• Чувство на притисок во лицето или мала болка.
Важни препораки:
• Редовни назални испирања со физиолошки раствор.
• Контроли кај оториноларинголог за отстранување красти и следење на заздравувањето.
• Избегнување интензивна физичка активност.
• Придржување кон препишаната терапија (антибиотици, кортикостероиди, аналгетици).
Хируршкиот третман на хроничен риносинузитис, особено со FESS техниката, нуди висока успешност и значително подобрување на симптомите кај пациенти кај кои терапијата не дала резултат. Сепак, потребна е добра селекција на пациенти и правилна постоперативна нега за да се минимизираат компликациите и да се постигне траен резултат.
Д-р Данчо Шурков
Спец. по оториноларингологија / Фото: Промо
Експертскиот тим на Клиника „Жан Митрев“ ви стои на располагање. За закажување термин и информации, јавете се на тел. 02 3091 484.
Комерцијален текст.
