Сопругот на српската позната пејачка Нада Топчагиќ откри како се чувствува пејачката сега.
Нада Топчагиќ итно била примена во Ургентниот центар, а нејзиниот сопруг Златко кој ја однел во болница завчера вечерта, сега открива нови детали за нејзината здравствена состојба.
– Зборував со неа пред 5 минути, не е толку лошо. Утре ќе имам повеќе информации, сега сум со децата, добро се. За да не претпоставувам што е во прашање, кога ќе стигнат резултатите, тогаш ќе разговараме – рече Златко за белградските медиуми.
Да потсетиме дека сопругот на пејачката вчера откри дека во нивниот семеен дом се одвивала вистинска драма завчера вечерта.
– Настана огромна врева. Нада е добро, свесна е, синоќа и беше лошо и ја однесов во болница. Лекарите рекоа дека мора да остане за да се направат дополнителни прегледи – изјави сопругот на Нада.
– Нејзиниот живот не е загрозен. И претходно имаше проблеми со стомакот, но тоа не го решаваше па сега дојде време за наплата – додаде тој за српски „Блиц“.
