Поранешната тенисерка Јелена Докиќ откри на својот Инстаграм дека за само 10 месеци успеала да ослабе 20 килограми, следејќи неколку едноставни, но доследни навики.
Познатата спортистка со години се бореше со депресија, што доведе до зголемување на телесната тежина. Денес таа вели дека нејзината трансформација не е резултат на строга диета, туку на грижа за здравјето, а не за бројката на вагата.
„Ова не беше брз процес. Изгубив 20 килограми за нешто помалку од 10 месеци — без диета и без опсесија со килограмите. Почнав да имам висок притисок, а во семејството имаме историја на дијабетес и хипертензија. Немав енергија и морав да направам промена“, напиша Јелена.
View this post on Instagram
Во својата објава, таа ги откри четирите правила што ѝ помогнале да го врати балансот и енергијата:
- Не јадам доцна навечер. Престанав со пици, хамбургери, пржени компирчиња и десерти по 19 часот. Тие ме правеа трома и безволна, особено кога имав рани обврски.
- Јадам полесна и поздрава храна. Повеќе салати и супи — како пилешка Цезар салата или супа од домати со интегрален леб. Таквите оброци не ме прават уморна.
- Пијам повеќе вода. Значително ги намалив газираните пијалаци и овошните сокови, дури и диеталните.
- Додадов протеински шејк наместо еден оброк.
- „Почнав и повеќе да вежбам — ништо екстремно, само редовно. Ова функционира за мене, но секој човек треба да го најде сопствениот начин“, заврши Докиќ.
Со својата искреност и мотивација, Јелена уште еднаш докажа дека трансформацијата не започнува од телото, туку од умот.
