– Во следните денови како што најавивме, ќе имаме МНОГУ ТОПЛО време, и тоа поради продорот на МНОГУ ТОПЛА воздушна маса која продира од северните предели на Африка во нашата држава. Температурите во следните денови ќе се искачуваат во интервалот од 26 до 34 степени, а значително ќе пораснат и минималните утрински температури и истите ќе се искачуваат во интервалот од 7 до 14 степени. Времето ќе се задржи стабилно, суво и сончево, и тоа особено утре, додека во недела, како и во првите денови од следната недела во попладневните часови ќе има појава на локална нестабилност, проследена со пороен дожд, грмежи, засилен ветер а има услови и за локална појава на град.
И во Скопскиот регион во следните денови времето ќе биде МНОГУ ТОПЛО, но во попладневните часови постојат услови за попладневна локална нестабилност. Температурите ќе се искачуваат во интервалот помеѓу 28 и 32 степени – вели метео прогнозерот Славчо Попоски.
