– Како што веќе најавивме, до петок времето ќе биде стабилно, суво, сончево и студено со мала до умерена локална облачност. Ќе дува слаб до умерен ветер од променлив правец. Минималните температури, особено утре и во четврток ќе бидат многу ниски и ќе се спуштаат во интервалот од -11 до -3 степени, додека максималните ќе се искачуваат во интервалот од 0 до 7 степени – вели нашиот метео прогнозер Славчо попоски.
Според Попоски, повеќе облачност ќе имаме за време на викендот, кога поради јужното воздушно стуење и температурите ќе бележат тенденција на пораст и максималните дневни ќе се искачуваат во интервалот од 5 до 12 степени.
И во Скопскиот регион до петок времето ќе биде сончево и студено со мала локална облачност. Минималната температура се очекува да се спушти до околу -6 степени, додека максималните ќе се искачуваат во интервалот помеѓу 3 и 5 степени. Нешто потопло ќе биде за време на викендот, кога ќе има појава и на умерена облачност. Максималната температура во Скопје за време на викендот ќе се искачи до околу 7 степени.
