– И понатаму нема целосно стабилизирање на времето, а особено во попладневните и вечерните часови се очекува локална нестабилност проследена со пороен дожд, грмежи и засилен ветер.
Локално ќе има услови за појава на ново НЕВРЕМЕ, проследено со интензивен пороен дожд, силен ветер, силни електрични празнења и со појава на град. Поради ова препорачуваме и понатаму КРАЈНА ПРЕТПАЗЛИВОСТ поради можни нови локални поплавувања.
Барем отсега гледано целосно стабилизирање на времето нема да има и во текот на следната седмица. Температурите пак, во текот на следните денови ќе бидат нешто повисоки и ќе се искачуваат во интервалот од 26 до 33 степени. Во најтоплите предели истите се очекува да се искачат и до 35 степени, вели метеопрогнозерот Славчо Попоски.
