– Во следните денови, како што и најавивме во претпладневните часови времето во Македонија ќе биде стабилно, суво и сончево, додека во попладневните и вечерните локално ќе биде нестабилно со пороен дожд, грмежи и засилен ветер. Локално ќе има услови за појава на НЕВРЕМЕ, проследено со интензивен пороен дожд, силен ветер, силени електрични празнења и услови за појава на град. Што се однесува до температурите, тие ќе бидат НЕВООБИЧАЕНО ВИСОКИ за овој период од годината, и тоа поради влијанието на МНОГУ ТОПЛАТА воздушна маса која продира од Африка кон нашата држава, и истите на многу места ќе надминуваат 30 степени, додека во најтоплите предели температурите ќе надминуваат дури и 35 степени.
И во Скопскиот регион во следните денови во попладневните и вечерните часови ќе има услови за појава на локална нестабилност, но ќе биде НЕВООБИЧАЕНО ТОПЛО за овој период од годината и максималните температури ќе се искачуваат во интервалот помеѓу 32 и 34 степени. ПРЕДУПРЕДУВАЊЕ: Со оглед на тоа дека понатаму Атмосферата нема да биде стабилна, во случај на појава на електрични празнења, да не се претстојува на отворен простор и под осамени дрвја, исто така во случај на појава на силен ветер, граѓаните своите автомобили да не ги ставаат во близина на дрвја за да не дојде до несакана штета- вели метео прогноззерот Славчо Попоски.
