Стаса потврда и од полицијата дека охриѓанката Маја Илиеска, позната како Маја Миа, била пронајдена со прострелна рана во главата.
Мртвото тело на Маја Миа било најдено дома, таа била десет години на салон за убавина во Танзанија.
Се претпоставува дека станува збор за самоубиство, но за сега нема конкретни потврди од полицијата. Доколку се потврди, прашање е и зошто би се самоубила, земајќи предвид дека само неколку дена пред трагедијата била во Македонија, а на постираните фотографии на Инстаграм изгледа среќна.
Не се знае дали се уште била вљубена во популарниот мјзичар Оми Димпоз, некои медиуми пишуваат дека имала нова врска, извесен Кајл Филипс, познат како тајкун во тутунската индустрија.
Според африканските медиуми, Македонката се прославила во Танзанија во 2018 година во времето кога била во врска со популарниот комичар Идрис Султан. По раскинувањето во 2020 година, таа почнала врска со Оми Димпоз, еден од врвните уметници во регионот на Источна Африка.
Утрото на 4 декември, токму Оми Димпоз преку Инстаграм им откри на своите следбеници дека е во тага, објавувајќи серија фотографии од него и Маја Миа додека биле заедно. Фотографиите ги поддржа со зборовите „Почивај во мир љубов моја“.
Комичарот Идрис Султан се огласи на Инстаграм и објави фотографии од него и Маја Миа од различни времски периоди, кога биле сè уште вљубени и ѝ посака „мирен сон“.
39-годишната девојка, која живеела во Јужна Африка, наводно се застрелала во главата и починала – за сега такви информации пласираат африканските медиуми.
