Северина се огласи по трагедијата на Цетиње во Црна Гора.
На својата приказна на Инстаграм, таа сподели емотивна објава на босанскиот уметник Харис Јусовиќ и додаде емотикон со скршено срце.
„Цетиње. Зарем пак?! Вака влегуваме во 2025 година… Многу ми е тешко“, напиша тој во првичната објава.
View this post on Instagram
Најмалку 12 лица загинаа во Цетиње во Црна Гора од истрели од огнено оружје по физички конфликт во кафуле. Меѓу убиените има деца и членови на семејството на убиецот.
Масовниот убиец Ацо Мартиновиќ (45) потоа побегнал, но полицијата на крајот го лоцирала недалеку од неговата куќа во Цетиње.
„Откако полицијата го опколи и откако виде дека е во безизлезна ситуација, тој се застрела и почина при транспортот до клиничкиот центар“, изјави на прес-конференција директорот на полицијата Лазар Шќепановиќ. Поради трагедијата, во Црна Гора беше прогласена тридневна жалост, а многу концерти беа откажани.
