Српскиот актер Милош Биковиќ, кој со години гради паралелна кариера во Србија и Русија, најави дека дел од следниот период ќе го помине во Кина.
Актерот ги извести своите следбеници на социјалните мрежи дека заедно со екипата на филмот „Црвена свила“ се селат во Кина, каде што ќе снимаат кадри за споменатиот филм.
Кадрите за филмот „Црвена свила“ кои требаше да се снимаат во Русија се завршени, а целата екипа наскоро ќе отпатува за Кина.
„Го завршивме рускиот дел од филмот „Црвена свила“ и сега се селиме во Кина. Ќе го зачиниме филмот со аромите и атмосферата на далечниот исток“, напиша Биковиќ на Инстаграм со фотографија од сет.
Инаку, во филмот „Црвена свила“, Биковиќ глуми руски империјален агент кој работи за Комунистичката партија на Русија.
– Ќе снимам филм во руско-кинеска копродукција, чие снимање е веќе започнато. Филмот се вика „Црвена свила“ и ќе се снима во Кина и Русија. Играм руски империјален агент кој работи за Комунистичката партија на Русија. Тој се обидува да им помогне на пребеганите Кинези од Комунистичката партија на Кина и да им ги спаси животите бидејќи сакаат да ги елиминираат – изјавил Милош за „Информер“.
View this post on Instagram
