На 26 јуни почина таткото на водителката Јована Јеремиќ, Миодраг Јеремиќ, а еден ден подоцна беше погребан во неговиот роден Љиг. Јована беше многу приврзана кон својот татко, а сега за медиумите изјави дека по загубата се чувствува многу посилна и подготвена да постигне сè што му ветила на својот татко.
– Се чувствувам фантастично, некако се вратив во центарот на настаните по сите тешки моменти во мојот живот, станав посилна и помоќна во сè. Се чувствувам ослободена и многу добро со некоја нова енергија, која никогаш не ја имав, сосема нова. Кога ќе го изгубиш татко ти, губи дел од себе. Го изгубив татко ми и тој машки постулат, тоа место остана празно – истакна Јована.
Јеремиќ рече дека има моменти кога ѝ е тешко, но сепак се обидува да биде силна.
– Тешко ми е кога ги гледам снимките и сликите, ми недостига затоа што ми беше голема поддршка, имаме иста генетика и сме доста слични. Кога си жена, која е разведена и имаш дете, а јас бев верена неколку пати, тогаш ти недостасува таква поддршка. Тоа беше мојот татко. Јас сум жена која сака да биде во пар, иако многу луѓе ми велат дека изгледам подобро и помоќно кога сум сама. Сè уште сакам да имам некаков вид врска со машка личност. Кога немав партнер, татко ми беше таму како поддршка. Сега кога го нема, имам уште посилна потреба и желба да ја имам таа машка фигура, но вистинската. Со загубата на татко ми, процесот на постигнување на нешто што отсекогаш го сакав – тоа второ дете и втор брак – беше забрзан – призна таа.
Јована кажа и зошто не сакаше никој да знае дека нејзиниот татко починал.
– Всушност ја измамив целата јавност. Водев утринска програма во петок како татко ми да е жив, а тој мртов во ковчег, почина во четврток. Моја желба беше да не се дознае, не сакав медиумите да бидат вклучени поради семејството. Јас сум јавна личност, тие не се и не сакаат да бидат фотографирани. Исто така, сакав да го спречам појавувањето на погребот на некои луѓе кои не беа со мене кога ми беше тешко, кои ме заборавија и се покажаа нечовечни во таа ситуација. Тогаш нема потреба да доаѓаат на погребот кога не беа таму кога тој беше жив. Поради многу од нив, татко ми ме гледаше плачејќи, но им простив – изјави водителката за Блиц.
