Хрватската писателка Ведрана Рудан, откако дозна дека боледува од рак, реши да се повлече од јавноста, но не престана да пишува.
Таа, постојано ја информира јавноста за борбата со ракот преку персоналниот блог. А, сега објавена е најновата информација за состојбата на познатата писателка.
Имено, на нејзината официјална блог страница е објавено најновото соопштение во кое се споменува и нејзината здравствена состојба.
– Во Белград, градот на Ведрана, ќе има ноќ на книгата, но без Ведрана. Објавена е нејзината книга „Умри без стрес“. Во вистинско време бидејќи ги посетува болниците во Загреб под голем стрес во борбата за опстанок. Упатува поздрав до сите нејзини читатели, очајна што не е со нив – напиша администраторот на страницата Славен Хрватин.
Инаки, во една пригода Ведрана Рудан откри која била првата личност на која ѝ се јавила кога дознала дека има рак.
– Кога дознав дека имам рак, првото нешто што ми падна на памет беше да ги повикам сите што требаше да го слушнат тоа од мене. Сопственикот на мојата издавачка куќа беше меѓу првите. Се сеќавам дека без вовед му реков: „Имам рак, нема да можам да дојдам на Саемот на книгата“. Најдов човек. Му објаснив дека се соочувам со тежок третман, скапо зрачење… Не бев многу кохерентна бидејќи веднаш ми рекоа дека мојот рак е „специјален“, дека ќе преживеам, со задолжителна превентивна хемотерапија…
– Ниту еден од лекарите не успеа да ме убеди дека во мојот случај хемотерапијата може да направи нешто за мене, па затоа ја одбив. Не сакав и не сакам да ги поминам последните денови подригнувајќи и зјапајќи во, како што ми кажаа, „веројатно крвави дланки“ и „веројатно крвави стапала“.
