Славица Ангелова од Македонија победи во „Ѕвезде Гранда“, а наградата вчера ѝ ја врачи Саша Поповиќ.
Саша Поповиќ проговори за нејзината победа, но откри и како ќе продолжи нејзината кариера.
– Горд сум на сите мои кандидати. Заслужено победи, доби најмногу гласови од публиката. И посакуваме успех во нејзината понатамошна кариера. По 10 минути гласање видов на телефон дека има голема веројатност да победи – рече Саша и додаде:
– Кариерата ќе ја гради паралелно и овде и во Македонија. Тука ќе добие песна и спот, ќе гостува во сите наши емисии. Верувам дека има многу поголеми шанси во Македонија бидејќи таа е првата победничка од Македонија што ја имавме. Таму ќе има најголема популарност, но ние ќе ја туркаме. Мислам дека не можам да ѝ дадам подобар совет од Ѓорѓе Давид.
– Наше е да го исполниме тоа што го ветивме. А кој ќе биде најголема ѕвезда во оваа сезона и дали ќе биде ѕвезда, не знаеме. Тоа е големо прашање. Сакам да нагласам дека годинава имавме рекордна гледаност, објаснува Саша.
На прашањето на српските новинари дали жирито ќе остане исто и во следната сезона, Поповиќ одговори:
-Ист состав, само различни правила, далеку поинтересно, намален број на кандидати. Ќе биде поинтересно. Наградите ќе останат исти. Порано доделувавме станови, имаше повеќе пари. Најголема награда за победникот и за некој што се натпреварува е да добие хит песна, но денес е многу тешко да се направи хит – смета поранешниот директор на „Гранд“.
