Раното откривање може да спаси живот: Кога да започнете со прегледи и што треба да знаете.
Што е мамографија?
Мамографијата е метода на рендгенски преглед на дојките. Се изведува на специјално дизајниран апарат за рендген наречен мамограф и се користи исклучиво за снимање на дојките и за зафати што се вршат под контрола на мамографската слика.
Поради својата едноставност, цена и корисност, мамографијата сè уште е златен стандард во откривањето рак на дојка.
За време на мамографијата, жените се изложени на многу мала доза на зрачење, но ризикот е многу помал од придобивките што може да ги даде мамографијата. Имено, мамографијата може да идентификува малигно заболување, жената добива потенцијална придобивка да открие дали веќе ја има болеста и во фаза што лесно и успешно се лекува.
На која возраст треба да се направи првата мамографија?
Многу реномирани организации, како Американското здружение за рак и Американскиот колеџ за радиологија, препорачуваат годишна скрининг мамографија од 40-годишна возраст за сите жени со просечен ризик од развој на рак на дојка.
Жените со просечен ризик имаат помалку од 15% веројатност да развијат рак на дојка во текот на животот. Сепак, ризикот се зголемува со возраста, па затоа редовните прегледи се клучни за рано откривање.
Кај жените со зголемен ризик од рак на дојка, мамографијата може да биде неопходна и во помлада возраст. Дополнително, лекарот може да препорача и други дијагностички тестови, како магнетна резонанца на дојка, во зависност од индивидуалниот ризик.
Кои фактори влијаат врз зголемен ризик?
Жените што имаат некој од следниве фактори на ризик треба да се консултираат со лекар за тоа кога да започнат со редовни мамографии:
• Лична историја на рак на дојка
• Семејна историја на рак на дојка или на јајници
• Присуство на генетски мутации како BRCA1 и BRCA2
• Одредени неканцерогени промени на дојките (како атипична дуктална хиперплазија или лобуларна неоплазија)
• Густи дојки, што значи зголемено жлездено ткиво што може да го отежни откривањето потенцијални абнормалности
на мамографија
Колку се точни резултатите од мамографијата?
Мамографијата има точност од 85% до 90% во откривањето абнормалности на дојката, дури и пред тие да бидат доволно големи за да се напипаат. Сепак, во некои случаи, може да постојат промени што не се видливи на мамографијата.
Затоа, ако жената забележи каква било промена на дојките, дури и ако мамографијата е нормална, потребно е дополнително испитување од специјалист. Лекарот може да препорача дијагностичка мамографија, ултразвук или други тестови за понатамошна анализа.
Рано откривање рак на дојка
Раното откривање на ракот на дојка, значително ги зголемува шансите за успешно лекување.
Редовните мамографии, заедно со самопрегледите и консултациите со лекар, се најдобриот начин за навремено откривање на потенцијални промени.
Закажете преглед на тел. 070 299 010. Болницата „Санте плус 3“ има 24/7 достапни служби.
Комерцијален текст.
